النيل.. وغربة المصريين | بوابة الأسبوع

النيل.. وغربة المصريين | بوابة الأسبوع: لن يدرك أحد كل أسرارك، لكننى واحدة ممن يعرفون بعضها، فمن تربى...

درويش

حكايتى إيه ؟..ما تسألنيش ..أنا واحد من الدراويش..أقول واسكت وما اشرحشى ..ولما اسكت ما بانطقشى ..وقولى يفهمه الحرافيش..وفهمى عاصى ع العاصى .. ودوسة طرفى ماتجوزشى..وجرب تلمس الدرويش

السيدة ..مازالت قادرة

السيدة التى تحاول مغادرة الفراش مستشعرة الخطر ..طوت إلى جوارها كتاب التاريخ وخرائط الجغرافيا .. وأزاحت بيدها زجاجات الدواء.. سألتنى :

ــ  هل انت خائفة ؟

دمعت عيناى ..فأيام العذاب التى مضت  استنزفت طاقتنا ..والشارع يفور ..والحلم مكسور.. والأباطرة من رحم التأليه يولدون ..والطعام شحيح والفوضى على الطريق.. 

همست مربتة على كتفى بحنو:

ــ لا تخافى .. أنا قوية

لم افهم ..لكننى اندهشت عندما  فردت عودها المحنى وانبسطت ملامحها ..وسرى الدم فى وجهها الشاحب ..واشارت لى بأصبعها أن اتبعها ..

كأنك

كأنك سعيد.. كأنك أم أو أب..كأنك محبوب أو بتحب.. كأنك حر .. وفي بلدنا كأنك إنسان .. كل شيء حواليك بيخليك كده وكده.. نص من حاجة وفتفوتة من حاجة.. حلمك ممكن تاخد منه فتفوتة .. إبنك صورة إبن ..عايش لنفسه ومابيعرفكش إلا لما يقع في ورطة أو يحتاج فلوس.. شغلك صورة شغل..  حتي المشاعر اللي جواك مابتخرجش منها إلا فتافيت.. ماتقدرش تصرخ بجد وإلا تبقي مجنون ..ولا تفرح زيادة وإلا تبقي مابتحسش باللي حواليك..ولا تقدر ثقول رأيك في أمور بلدك اللي بتمس صميم حياتك لأنك ممكن تعتقل .. ولا ترفض حب حد  بيحبك لكن خانقك لأنه أناني مابيعرفش يدى الا الفتافيت وانت نفسك استثنائى لأنك بتدي كل حاجة حتى وانت نفسك ماتديش بتدي .. ولاتقبل حب حد ممكن يسعدك بجد لأنه شخص بشكل ما غير لائق اجتماعيا.. مطلوب منك تفهم العالم انك سعيد وانت بتتوجع لأنك طول حياتك ما أخدتش شيء كامل كل حاجة ناقصة كتيير.. كل حاجة مربوطة بسلاسل ومردومة تحت مشاعر ظلم.. ومطلوب منك في الآخر تستني الموت وكأنك عشت.. مشاعر مالهاش حل.. يمكن لأننا أضعف من إننا ناخد خطوات حاسمة ومصيرية ..أو لأننا أكثر طمعا من أن نرضي بالقضاء ..أو أقل حكمة من أن نتعامل مع الحياة علي انها مرحلة ..مجرد مرحلة .. ويمكن ساعتها نقدر نعيش..بس برضه موش بجد

الثعالب آخر من يعلم | بوابة الأسبوع

الثعالب آخر من يعلم | بوابة الأسبوع: الطيبون هم سلاح الثعالب، لكن الطيبين يصبحون أكثر حذرًا بقسوة التجارب، المشهد...

وبعدهالك

وبعدها ياحبيبتى ..وبعدها في سكاتك ..قلبي  اللي حب جمالك .. بيموت  ولا علي بالك .. بيقطعوا شرايينه ويبيعوا فيها قصادك .. قلوب عداكي ماتت يحيوها ليه باولادك .. وبعدها ياحبيبتي يرموا الشبك في بحارك .. يصطادوا خيرك شروة.. ويبوروا في غيطانك ..ويقطعوا من لحمك ويقفلوا في بيبانك .. لا نلاقي حضن يساعنا ولا تعلي راس في ميدانك ..وبعدها ياحبيبتي ..وبعدها في سكاتك ..

القابضون على الجمر

الوسط ليس دائما منطقة دافئة ..فمن يحاولون ان يروا المشهد مجردا من مشاعر الانحياز هم القابضون على الجمر..هم المتهمون من كل الأطراف ..وهم من يتلقون طعنات الجميع .. فى زمن الاستقطاب الحاد  والتزوير الفج والكتائب الإليكترونية  التى صارت سلاحا فى يد كل الأطراف والإعلام المدلس الذى أصبح  بشكل ما جزءا من تلك الكتائب، والإرهاب بأشكاله المعنوية والمادية ..وسط كل ذلك..يبدو سقوط العقلاء من عشاق هذا الوطن  محتملا جدا ..

لا ياشيخ؟!!!!!!!!!!!

موش مصدقة أى حد خلاص..الناس اللى قالت وغيرت كلامها .. الوثائق اللى خرجتوها من الدرج واللى اخفيتوها فى نفس الدرج .. وحياة أبوكم ماتفضلوا تغنوا اغنية "منذ عام 1950".. لأننا هانفضل نقول فيه خرايط بتقول ان الجزيرتين ملكية قديمة لمصر ، وان حكاية 1950 كانت مجرد حلقة فى نزاع على السيادة تنازلت فيها السعودية عما أسمته ملكيتها.. واحنا قبلنا نخلص الوضع بالشكل ده من غير دوشة.. هى الخرايط اللى نشرناه دى كلها موش مالية عينكم ؟!!!.. وكمان موش لما تكون السعودية ضعيفة ولا تملك قوات بحرية لحماية الجزيرتين المستهدفتين من اسرائيل ..تقول حلال عليكم موش هاتكلم خلاص..ولما تقوى تقول بتوعى وحقى .. لا ياشيخ ..لا والله!!!!!!!!!!!!!

بدون كلام

أمر السيد بتكميم الأفواه ..السيدة الصامتة رسمت على الحائط صورا لمياه زرقاء داخلها جزر بيضاء تحيط بها باقات من شعاب المرجان.. السيدة التى جلست على فراش المرض طويلا .. منحتنى ألوانا لا تبلى ، فرسمت على الجزر علمى وضحكة واسعة وقيودا مكسورة لأناس لا يمكن إخراسهم

أرشح لكم هذا المقال "تيران وصنافير قبل أن ننسى "

http://3almanya.com/%D8%AA%D9%8A%D8%B1%D8%A7%D9%86-%D9%88%D8%B5%D9%86%D8%A7%D9%81%D9%8A%D8%B1-%D9%82%D8%A8%D9%84-%D8%A3%D9%86-%D9%86%D9%86%D8%B3%D9%89-%D8%A8%D9%82%D9%84%D9%85-%D8%B1%D8%B4%D8%A7-%D9%85%D9%85/

عن الجزيرتين..

السيد الرئيس عبد الفتاح السيسي.. احنا الناس اللي بيتمسح بينا الأرض  لما بنعارض حاجة موش عاجبانا من سياساتك.. واحنا نفس الناس اللي الاخوان بيمسحوا بينا الأرض لما بنوافق ونفرح لحاجة كويسة انت عملتها ..باختصار احنا اللي مابنبعش دماغنا لحد .. سيادة الرئيس..أزمتنا الحقيقية أننا لا نسنطيع أن نمنح احدا شيكا علي بياض فيما يخص الحدود والسيادة .. حتي وان كان اخلص واتقي رجل علي وجه الارض...

سرقة

لم ينتبه، ما مر بى جعل عقلى يتخطى طفولة جسدى، كنت أدعوه أبى، باع ميراثى ويلهينى بقطع  من الحلوى، لن أقربها، الآن أفهم الفارق بين الأب  وماكر أصبح زوج أم

ثمن

 أنهض من سبات حزن..مثقلة بأوجاع جسد فقد مرونته ، أفتح نافذتى ببطء.. طقس غائم.. وشارع  تغيرت معالمه.. أتحسس وجهى فتصدم أصابعى غضون لم تكن موجودة ..أنظر إلى ساعة وتاريخ حاسبى الآلى .. أحدق غير مصدقة .. مهزومة للمرة الثانية .. أمحو دمعة ساخنة لن تعيد عمرا ثمينا.

تاريخ

البيت بيتي.. سقف الجريد كان نخل عمي.. عود الحديد  كان لفرن جدي.. حتي الفراش .. إحدي منح صهري .. الغرفة المتربة تحفظ  عطر أمي.. البيت بيتي ..لكني أبدا  لا ابيع  بيتا.. كل الزوايا فيه ملك غيري

أنا وهو والدهشة

أنا وهو والدهشة

إحياء

السيدة التى تكتب القصص واﻹشارات بالطباشير  اﻷبيض على أحد جدران الحى.. غابت.. أحدهم طلى الجدار باﻷبيض..اشتريت لها علبة طباشير ملونة. . انتظرتها طويلا لكنها لم تأت.. تموت الحكايات .. يمضى الناس فى صمت  وبلادة .. كأنهم بلا ذاكرة .. بلا رغبة فى مجرد التفكير ..أبدأ فى كتابة الحكايات واﻹشارات ..وانتظر أن يتوقف أحد للقراءة

خلطة بنت سلطح بابا | بوابة الأسبوع

خلطة بنت سلطح بابا | بوابة الأسبوع: كل طباخ وله خلطة، بعض الخلطات ربنا يكفينا الشر مثل وصفة الكريب...

إمرأة نيلية

السيدة التى اغرتنى بالنزول إليك كان جلبابها ينحسر عن ساقين استترتا بمائك ..تألق الربيع المنطبع على قماشته تحت نور شمس الصباح، كان ربيعها يتراقص على العود اللين ، وردات حمراء وصفراء وزرقاء وعصافير ملونة وأوراق شجر زاهية الخضار.. لا أدرى هل كان غناؤها أجمل أم صوت شقشقة العصافير.. كانت كأميرات الممالك القديمة..ساحرة ومسحورة..أيقنت أن شيئا منك يتسلل إلى الروح فتتوهج بالبهجة وتقاوم غضون الزمن..نزلت..فمسنى مس منك.. مس لن أطلق يوما بخورا ولن أقرأ تعويذة لأفصله عن الروح ..