صورة توجع قلبك .. تكسر روحك..صورة لأحلى ايامك..فيها عيون بترش براءة .لسه يادوب جاية من الغيب..لسه بترسم وردة وسمكة وبطة وبتحفظ حكايات عادل واخته سلمى، أو أحمد يلعب مع فاطمة، أى حكاية وأى أسامى، كل المطلوب إن السمكة تعوم فى البحر ،وإن الوردة تكون فى جنينة، وإن البط يكون بينط وبيلعب فرحان على الشط، وإن الأرض تبقى نضيفة ورمى الورقة عليها لأ، وإن الكداب أوحش واحد، وإن أمانتك أحلى صفاتك .. صورة بتوجع قوى فى القلب ..كل وشوشها كبرت .. باخت .. شاخت..كل براءة فيها ماتت..لسه بابص بادور فيها ..حتى اللمة .. ياخسارة ..ضاعت
ليست هناك تعليقات:
إرسال تعليق