الشمس اللى بتحكى على قلتلها كلام ..وانا طالع عالخيط الدهبى وشايل الأحلام..من ضهر سحابة حبلانة بتستنى أوان..فلتلها غريب أنا فى سكوتى صابر أعوام..وكأن حياتى بقت موتى ولا عاد لى قِوام..حبلانة سحابتى بأحلامى وصبر الأيام..وبتنده شى الله يارفاعى فيه كام تعبان..بيقولوا ياحرب ويؤذونى وانا أقول باسلام..أنا صمتى ياشموسة بعده بييجى الفيضان،واشهدى ياسحابة من فضة على أحلى ميدان..وفى عز النار ادينا رخة ها تزيدنا غرام..مطرى سلمية وحرية واشرقى الهام..واستنى الواد المتشاهد أبو موته وسام..يطلع للجنة من فوقك ويقول ولهان..طهرت شقوقك يابلادى وسحابتى مقام
ليست هناك تعليقات:
إرسال تعليق