قرآن القصر وفنون العصر | بوابة الأسبوع

قرآن القصر وفنون العصر | بوابة الأسبوع: أيام ويهل الشهر الكريم بكل نفحاته وبكل إفراطنا، وكما نسرف فى الطعام...

قربان شيطان

مات الوطن ولا مازال فيه الأمل؟!
ولما فيه الروح ..بتحضروا ليه الكفن؟!
نفسه الضعيف بيعافر الموت والعدم...
 لساه ممدد بعد ماانشق البدن؟!..
.بتخبوا ليه جرح الوطن اللى انقسم؟!
ساكتين ليه  لحد ما يسرى فيه العفن؟!
كل الأطبا مكبلين. مشرطهم المرمى بعيد ع الإيد.
وخيوطهم اللي هاتلئم الجرح العنيد متغلفة بصديد..
وقلوبهم اللى في الهوى دايبين. مخنوقة بالتهديد
فى كل يوم زفة لعريس أمه بتنعى وبإيه يانعى تفيد
على كل شارع يافطة مكتوبة باسم شهيد؟!
والأرزقية فى الفضا يدوروا لنا نشيد ويشبعوا تعديد؟َ
مات الوطن..خلاص.. ماعادش حضنه يضم ويوزع التنهيد؟!
ويلم عيلة العيلة ويحط نفحة جديدة فى إيدنا يوم العيد
 وترن ضحكة  جميلة يشتاقها كل بعيد.
. لساه صحيح  ياوطن واقف الهرم.
لسه الجسور ممدودة وأساسها لسه شديد
.لساه صحيح نيلك بيجرى ما انهزم..
لساه بينبض فى الوريد
لكن بدون مايصح جسمك  ننكسر..
 ما يعيشى لينا وليد
سعف النخيل فى السما يبقى  يادوب.. عودين جريد .
قربان علي مدبح  شيطان تتمد  روس حبة عبيد
.مادام رضينا نكون جميعا فتايين ..بنقول  عن ورمنا .. حميد
وبنرمي ضحكتنا العبيطة ونمشى ولا اكننا متنا أكيد..اكيد

النيل.. وغربة المصريين | بوابة الأسبوع

النيل.. وغربة المصريين | بوابة الأسبوع: لن يدرك أحد كل أسرارك، لكننى واحدة ممن يعرفون بعضها، فمن تربى...

درويش

حكايتى إيه ؟..ما تسألنيش ..أنا واحد من الدراويش..أقول واسكت وما اشرحشى ..ولما اسكت ما بانطقشى ..وقولى يفهمه الحرافيش..وفهمى عاصى ع العاصى .. ودوسة طرفى ماتجوزشى..وجرب تلمس الدرويش

السيدة ..مازالت قادرة

السيدة التى تحاول مغادرة الفراش مستشعرة الخطر ..طوت إلى جوارها كتاب التاريخ وخرائط الجغرافيا .. وأزاحت بيدها زجاجات الدواء.. سألتنى :

ــ  هل انت خائفة ؟

دمعت عيناى ..فأيام العذاب التى مضت  استنزفت طاقتنا ..والشارع يفور ..والحلم مكسور.. والأباطرة من رحم التأليه يولدون ..والطعام شحيح والفوضى على الطريق.. 

همست مربتة على كتفى بحنو:

ــ لا تخافى .. أنا قوية

لم افهم ..لكننى اندهشت عندما  فردت عودها المحنى وانبسطت ملامحها ..وسرى الدم فى وجهها الشاحب ..واشارت لى بأصبعها أن اتبعها ..

كأنك

كأنك سعيد.. كأنك أم أو أب..كأنك محبوب أو بتحب.. كأنك حر .. وفي بلدنا كأنك إنسان .. كل شيء حواليك بيخليك كده وكده.. نص من حاجة وفتفوتة من حاجة.. حلمك ممكن تاخد منه فتفوتة .. إبنك صورة إبن ..عايش لنفسه ومابيعرفكش إلا لما يقع في ورطة أو يحتاج فلوس.. شغلك صورة شغل..  حتي المشاعر اللي جواك مابتخرجش منها إلا فتافيت.. ماتقدرش تصرخ بجد وإلا تبقي مجنون ..ولا تفرح زيادة وإلا تبقي مابتحسش باللي حواليك..ولا تقدر ثقول رأيك في أمور بلدك اللي بتمس صميم حياتك لأنك ممكن تعتقل .. ولا ترفض حب حد  بيحبك لكن خانقك لأنه أناني مابيعرفش يدى الا الفتافيت وانت نفسك استثنائى لأنك بتدي كل حاجة حتى وانت نفسك ماتديش بتدي .. ولاتقبل حب حد ممكن يسعدك بجد لأنه شخص بشكل ما غير لائق اجتماعيا.. مطلوب منك تفهم العالم انك سعيد وانت بتتوجع لأنك طول حياتك ما أخدتش شيء كامل كل حاجة ناقصة كتيير.. كل حاجة مربوطة بسلاسل ومردومة تحت مشاعر ظلم.. ومطلوب منك في الآخر تستني الموت وكأنك عشت.. مشاعر مالهاش حل.. يمكن لأننا أضعف من إننا ناخد خطوات حاسمة ومصيرية ..أو لأننا أكثر طمعا من أن نرضي بالقضاء ..أو أقل حكمة من أن نتعامل مع الحياة علي انها مرحلة ..مجرد مرحلة .. ويمكن ساعتها نقدر نعيش..بس برضه موش بجد

الثعالب آخر من يعلم | بوابة الأسبوع

الثعالب آخر من يعلم | بوابة الأسبوع: الطيبون هم سلاح الثعالب، لكن الطيبين يصبحون أكثر حذرًا بقسوة التجارب، المشهد...