زرع

 وكأني باتهحى الكلام

وارمي الحروف مبعترة

تتلم وتنبت سلام

وتفض ليل المحزنة

قلبي مع الغيمة اللي جاية محملة

عصافير كناريا و اسراب حمام 

 يلمع قزاز شباكي م المطر الحنون

وبعود كلام الود وزهور الغرام 

وكأني باتهجي الحياة لحد الممات

وارمي على الأرض اللي قاتلها السكات

 من  فولها حبة ومن قمحها شويات 

تتهز تحضن وِلٌدها وتحنكه بلحات

وتصر فى خزاين الأمل سبع حبات

يكبر فيزرع حبة ويبعت الرحمات

للى زرع  ما قلع فى احلك اللحظات