اللؤلؤ

أخذتنى سيدة البحر.. بحنو باعدت قليلا بين شفتى صدفة وأرتنى من جانبها الضيق كيف ينمو اللؤلو الوليد فى الرحم الدافىء..طافت بى بين الألوان والسحر..أوقفتنى بين كنوز المرجان الصابر قرونا ليستطيل بضعة سنتيميترات..أتذكر مسبحة جدى من المرجان الأسود وهى تطقطق بين أصابعه..كان الجمال يجتاز حواجز الممكن والمبهر والمستحيل.. قبضْت’ على حبات اللؤلؤ  حول عنقى،ولأول مرة سمعت بكاء طفل انتزع قسرا من حضن أمه.

صباحك

صباح ابتسامة الوليد السعيد عليكى يابلدى ياأم الشهيد..صباحك حلاوته حلاوة النشيد فى قلب اللى عشقه نبض ووريد
.. ووش الصبية المليحة العفية لما يورد  لحبه الوحيد ..صباحك مندى بعرق الصنايعى وأمى بتدعى برد البعيد..وعم ابراهيم اللى قايم يادوب يروى السنابل بوشه العنيد..صباح العيون اللى سهرت عشانك بتحفر لبكرة أساسه الشديد ،صباحك منور بنور الأحبة صباحك ياحلوة صباح نور جديد

طعم الأغانى

خلينى اقولك بحبك بحبك،يمكن بقولها يرق لى قلبك،دا طعم الأغانى اللى طارحة فى شجرك،وطعم الكلام اللى متقال فى حبك،حلاوته فى لسانى شىء من حلاوتك.

لأ

بالع مرار الكون ف الحلق،هاين على نفسى وع الخلق،ولما فقت وقمت وثرت،رشقونى طلق ودفنو الحق،وحلفوا إنى عميل منشق،برق الأمل وانا بانزف آآه،وقلت اموت وتعيشى يا لأ

جريدة الأسبوع المصرية | بالصور..اللواء أحمد رمزي لم يذكر الحقيقة أمام المحكمة |

جريدة الأسبوع المصرية | بالصور..اللواء أحمد رمزي لم يذكر الحقيقة أمام المحكمة |

نسر

طعم الدموع مر
 وأمر ع الحر
لو نام على الجمر
والعركة منصوبة
واتوابه من قهر
طعم الدموع مر
 واهو كله بيمر
بس الفتى المهر
 اللى بخدود زهر
 لو كتفه الجبر
بيمد ميت قلع
ويعدى ميت بحر
لا يهزمه طلق
ولايحبسه صخر
 قلبه ولا النسر
 فارد إيديه جسر
عينه على النصر
أو يفرد الجناحين
للجنة والقصر

شهيد

فى الشارع..جنب السور..يافطة حبرها مانشفش.لسه راسمها ولد مارجعش..كانت لميدان التحرير..مكتوب فيها لا اعيش ولاكنت لو حق الشهدا مارجعش..شيلت الياقطة وانا موش دارى ومشيت بيها جنب النعش..حسيت بيه
بيطل عليا..وشه بيضحك ويقوينى.. وصوتى بيصرخ نام وارتاح..إحنا لتارنا مابنضيعش