يا بلدي

قلبي اللي روحه في الحواري معشقة. 

 قايم ونايم في السبيل والمقرأة

 فى الحفر اللي ع االنحاس والميضأة

 قلبي اللي عاشق للإيدين المرزقة

وجمال غناهم تحت نارها الحارقة

إزاي بقسوة تلفي حوله المشنقة

وفوق البيبان تسيبي روحه معلقة

سد ودانك

قول لابواب زنازينك تفتح..
شرطى يقبح ..دم يسيح
حكم  سياسي ريحته تفحفح..
واحنا غلابة جراحنا بتنقح..
ربطوا إيدينا ..
واتعلقنا دبيحة في مدبح..
أسلخ قطع
خللى الأعمى ياعم يفتح..
سد ودانك.. سلسل وافرح ..
مهما كتبت الظلم علينا
صوت الحق هايعلى ويمسح  ..
واللى هايسكت يلقط نفسه...
ملايين غيره هاتصرخ تفضح