باكو شيكولاتة

مد صغيرها يده على "باكو" الشيكولاتة.. تحسست كيس نقودها لتدفع كل ماكان فيه وتبقى فقط ما يمكنها من العودة، فزعت وهى تبحث بأصابعها المشققة عن الكيس، لم يسرق أحدهم فقط كل ماتبقى من شقاء الأمس فى تنظيف منازل الآخرين؛ لكنه سرق فرحة صغيرها وثمن مواصلاتها.. ردت "الباكو" من يده للبائع،بكى، فانخرطت فى البكاء، مد لها المارة أيديهم بمساهماتهم، حاول البائع اقناعها أن تأخذ الشيكولاتة مجانا، ضمت الصغير إلى حضنها رافضة، قبلت فقط ثمن ميكروباص العودة.

رشوة

يامطرة رخي رشاوى
الصوت برغيف يا اولاد
وركوبة حمارها حصاوى
ملاليم تخربها بلاد
ياخسارة رخصت ياغالي
ولبسنا سواد فى سواد
هايموت ع الكرسي العالي
أبو إيد طايلة الجلاد
وتموت منداس يالجزمة
ماخلاص بعت يا عواد

تحدى

ياطير كفيف.. بطل يطير من كام سنة.. 

ورغم نومته فى حضن غصن في الخلا.. 

وكل حين لما البشر يدفوا انفاس  الهوا

 لا يوم يأست من اللى رازقك م السما..

 ولا يوم حرمت اللى معدى من الغنا..