حد بيسأل: إنت بخير؟.. فاكر إنى بامر بأزمة.. م الأحمال حزمة ورا حزمة، مابقاش باقى لإنى أنخ، إلا يادوبك نتفة قشة .. ..كان قلقان م الدمعة السخنة ..وهمسى المر فى آخر صدمة..وجسمى اللى بيعلنها بقسوة ..انا موش قادر على أحزانها.. حد بيسألل : إنت بخير؟..أيوة بخير..هى بلادى وهى الصحبة..وحاسة كأنى باعيش فى الغربة .. مليون فكرة بعد السكرة..مليون حلم ماتوا فى لحظة..لكن جد ..أيوة بخير.. ثقتى بربى شريان قوة.. طاقة صالبة العود من جوة ..والأحزان دى مجرد قشرة
ليست هناك تعليقات:
إرسال تعليق