في «تراب أحمر» .. رحلة زوجين مع «وسية مصرية» بإفريقيا - محيط

في «تراب أحمر» .. رحلة زوجين مع «وسية مصرية» بإفريقيا - محيط

عقوق

يسخر من تيبس الحزن علي ملامحي .. من صمتي الذي يدعي انه تربص مخيف.. دفعني مرة.. هددني فأرعبني...قتلني عشرات المرات بعدها.. ليته يعرف انني مت في المرة الاولي ، من يعيد قتلها مرارا هي نفسه التى لا استطيع ان ابكيها

أنا الوطن

أنا الوطن ..ابو كف مليان بالدهب
أنا الوطن..مربوط على بطنه حجر
أنا الوطن ..دهبى حلال لمن سلب
ويموت ولادى  كل يوم وانا بافتقر

رجاء

باسأل اللى بقالهم سنين بيحاربوا الفساد  بدون خطوة واحدة للأمام : ماحستوش باليأس

عن نفسى : تعبت .. وكتير بكيت من العجز ..لكن الغريبة انى فى كل مرة باقرر استمر.. أكيد إبمان بإن ربنا سينصر الحق ولو بعد حين..اكيد احساسى بإن الغرقان بيبقى متعلق بقشة أمل يمكن اكون بامثلهاله.. الشخص اللى بيبعت لى مستند فساد بيكون كل امله ان ربنا يجعلنى سبب فى كشف الغمة ..أكيد  باتمنى إن بكرة يكون أحسن ..لكن رغم كل ده ..خايفة  ..خايفة ان حساب الناس دى يكون فى الآخرة ..نفسى أشوف عقابهم فى الدنيا ..زوجى بيقول..المؤمن يترك كل أمره لربه يدبره كيف شاء ..وانا باقول ..اللهم  بلغنا ثأرنا ..واشف صدور قوم مؤمنين

أحوال

هى الحكايات والمعانى نفسها ..
هى الأغانى بطعمها
حافظاها صم..
وكل غنوة لوقتها
الست عمالة تقوللى : كان زمان ..
 غيرتها..
واتجن قلبى..
 حبيت رجوعها فى رأيها:
أنساك؟..ياسلام! ..
أيوه كده..
وسمعتها..

الزهايمر

الشارع المخزونة فيه الذكريات

كأنه مات

حيطانه بيضا مكفنة 

وحروفه خباها السكات

كأنها فاضية السطور 

كل اللى فاضل م السؤال 

علامات

وعلى الحيطان فاضية الساعات

من غير عقارب تسرق الأوقات

الشارع المخزونة فيه الذكريات

ماعادش يجرح ضحكتى ..

وماعادش يمسح دمعتى..

 بضحكى اللى فات !

يتيم

حبيبتى ام العيون بساتين 
غصونها للقلوب شرايين
بيسحر وردها روحى
أكون من جملة المجانين 
أنا اللى مغنتى حبك
يابيت بابه مدد ياحسين
مدد ياطاهرة الميادين
با نور بالإيدين قناديل
فى نورها باتقسم نصين
مابين مجذوب على بابك
وبين غربة لإبن يتيم
مسكت فى طرف جلبابك
وماعرفتينى أبقى مين