الاثنين، 16 فبراير 2015
لحظة سكات
لحظة سكات.. وانا وانت في المدفن. .الموت مكفن ضحكتك..والحزن جاي يحزن.. وعيال بتخطف رحمتك.. تقطم ولا ترحم.. وانا كامشة جنب تربتك.. وحيطانها مابتفصل.. بين حي طالب دفنته وبين حبيب سلم.. دمه اللى لازق فى العروق على جتته معلم ..راسم خرايط للوطن وعيون بتتعشم .. خارطة بحواريها البدن لا تسيب ولا تلملم ، لا حلم يطرح له أمل ولا ضى يتبسم .. والخوف بيبسط سطوته علي كون بيتعفن . لساه بيشرب دمنا.. وفي لحمنا يقسم.. لساه بيرمينا هنا.. وفي موتنا بيفنن
السبت، 14 فبراير 2015
الثلاثاء، 10 فبراير 2015
المواطن صفر
أنا اللى دمى رخيص، ووقتى موش فارق، لو مت خنق بغاز ، أو خنقة فى الشارع ، أو حتى مت فطيس أهو كله موش فارق ، أنا المواطن صفر شمال وطن عامر، بالبلطجى واللص ، والكاذب الفاجر، أنا الحصى والملح ، شاهد على السارق ، ماسك حبال الصبر، واقول انا الزاهد ، وانا اللى ييجى الموت يلقانى متشاهد
الاشتراك في:
الرسائل (Atom)