خلينى اقولك بحبك بحبك،يمكن بقولها يرق لى قلبك،دا طعم الأغانى اللى طارحة فى شجرك،وطعم الكلام اللى متقال فى حبك،حلاوته فى لسانى شىء من حلاوتك.
الجمعة، 24 فبراير 2012
لأ
بالع مرار الكون ف الحلق،هاين على نفسى وع الخلق،ولما فقت وقمت وثرت،رشقونى طلق ودفنو الحق،وحلفوا إنى عميل منشق،برق الأمل وانا بانزف آآه،وقلت اموت وتعيشى يا لأ
الأربعاء، 22 فبراير 2012
الأحد، 5 فبراير 2012
نسر
طعم الدموع مر
وأمر ع الحر
لو نام على الجمر
والعركة منصوبة
واتوابه من قهر
طعم الدموع مر
واهو كله بيمر
بس الفتى المهر
اللى بخدود زهر
لو كتفه الجبر
بيمد ميت قلع
ويعدى ميت بحر
لا يهزمه طلق
ولايحبسه صخر
قلبه ولا النسر
فارد إيديه جسر
عينه على النصر
أو يفرد الجناحين
للجنة والقصر
الخميس، 2 فبراير 2012
شهيد
فى الشارع..جنب السور..يافطة حبرها مانشفش.لسه راسمها ولد مارجعش..كانت لميدان التحرير..مكتوب فيها لا اعيش ولاكنت لو حق الشهدا مارجعش..شيلت الياقطة وانا موش دارى ومشيت بيها جنب النعش..حسيت بيه
بيطل عليا..وشه بيضحك ويقوينى.. وصوتى بيصرخ نام وارتاح..إحنا لتارنا مابنضيعش
الأربعاء، 25 يناير 2012
فى الميدان
فجأة بتصلب طولك ..يصغر سنك..ولا كأنك.. كل ماتمشى عايز قرص يسكن ألمك..حتى ملامحك..ليه بتتغير..يمكن أجمل..يمكن أصلب..حاجة كأنك سامع عزفك..عزف الشاب الساكن قلبك..عزف الروح بتطهر جسمك..عزف الثورة السارى فى نبضك..فجأة بتصلب طولك..ووسع الدايرة تمد غصونك..بره بيبانك تفرش ضلك..جوه ميدانك تحدف وردك..لا مايهمش..وردك أبيض وردك أحمر..لون الدم ماعادش يهمك..ولا بيهمك ..مين فى آخرها يخلد إسمك..مين راح يكتب فارس جنبك.
الجمعة، 20 يناير 2012
أصلهم ولاد حلال
أصلهم ولاد حلال..
بس فيهم اللى تاه..واللى واكل من حرام..واللى
عميت عينه لما..زغللوها بجاه ومال..
كلهم فى الأصل رضعوا من شقاها وشربوا
نيلها..كلهم يانارى منهم ولد سو مصوا خيرها..
بس اللى مانعرفوش..إنها لسه عفية..والوليد
اللى خان..واللى باع أو ماصان..مهما ترخيله الحبال..مهما تصبر له جبال..راح توقفله
الرجال..راح تدوسه وتعلا فوقه..وتولد الخير والجمال
الاشتراك في:
الرسائل (Atom)