بتوجعينى يامصر لما الكلاب تتلم
وكل واحد فيهم فاكرها هم النم
مادد نياب العفن شادد سلاح الغم
وعينه طقت شرر ونبحه غل وسم
واحنا عرايا الكف واقفين نصون ونلم
كل اللى نملك بس إيمان برد الظلم
ودعوة طالعة السما وقلب نوره يعم
بتوجعينى قوى يا أحلى إسم ورسم
دراعى ليكى وتد حافظ جميلك صم
ياما الدراع انكسر والعضم تانى اترم
كتروا كلاب السكك والعزم هو العزم
وان طالوا قلبى ونزف يامرخصك يادم
تسلم ايديك وقلمك أ/ نفيسة ، ربنا يزيح عنا ان شاء الله طول ما في ناس لسه عايشة وبتحاول تغير في أمل أكيد
ردحذفأشكرك أستاذ علاء..أدين لك لأنك طلبت منى استكمال هذا النص..كل التقدير والإحترام
ردحذف