الزهايمر

الشارع المخزونة فيه الذكريات

كأنه مات

حيطانه بيضا مكفنة 

وحروفه خباها السكات

كأنها فاضية السطور 

كل اللى فاضل م السؤال 

علامات

وعلى الحيطان فاضية الساعات

من غير عقارب تسرق الأوقات

الشارع المخزونة فيه الذكريات

ماعادش يجرح ضحكتى ..

وماعادش يمسح دمعتى..

 بضحكى اللى فات !

يتيم

حبيبتى ام العيون بساتين 
غصونها للقلوب شرايين
بيسحر وردها روحى
أكون من جملة المجانين 
أنا اللى مغنتى حبك
يابيت بابه مدد ياحسين
مدد ياطاهرة الميادين
با نور بالإيدين قناديل
فى نورها باتقسم نصين
مابين مجذوب على بابك
وبين غربة لإبن يتيم
مسكت فى طرف جلبابك
وماعرفتينى أبقى مين

دلوقت

وقلت :غياب الحلم  أسوأ وقت
وقلبى اللى يادوبك طفل على حيط الأمل بيشب..
وعينى اللى ماحلمت حلم وكان فيه الوجع بيدب..
وروحى اللى فى سماها سلم بلا غيمة لندفة حرب
سؤالهم كلهم  دلوقت ..
نعيش ازاى  ونتحمل فى عالم كله كرب فى كرب

يارب

انتظر فرجا  أثق أنه آت بعد كل عسر لكن قلبى مجهد.. يارب

الآثار تتوسل للمقاول لمنع فضيحة انهيار‮ ‬‮»‬الدمقسيس‮« ‬بعد تسلمه نهائيا

الآثار تتوسل للمقاول لمنع فضيحة انهيار‮ ‬‮»‬الدمقسيس‮« ‬بعد تسلمه نهائيا